Waqt...

Waqt ki meherbani se

Hume aap toh mil gaye

Ab aap bhi meherbani karke

Humare liye kuch waqt nikaal lo

Dil ne khayi kai chotein

Hum kisi tarah sambhal bhi gaye

Ab apni baahon mein bharke

Hume humesha ke liye sambhaal lo

Kuch kehna tha kayi dino se

Khayalon mein kayi baar keh chuke

Humari taraf kabhi dekho zara

Aur nazron se ankahi sun lo

Nahi chaha tha yu kisi ko

Is chahat ki ab na saza do

Kar rahe intezaar har pal

Ab toh hume dil se apna lo

Samajhte ho sabke dard ko

Humari takleef bhi zara jaan lo

Saalon beet gaye saath rehke hume

Ab toh saath hone ka ehsaas do...

Ladki...

Haan main shaadi shuda hu
Toh kya ab main ladki nahi?

Kyu bana diya mujhe aurat 

Jab mujhme abhi bacchhi hai kahi 

Mujhse ummeed kare har koi

Par mujhe ummeed ka haq nahi.

Main sahi karu toh bhi galat

Tumhari na insaafi bhi sahi

Meri haya meri aankhon mein hai

Toh kyu ghunghat mein kaid hui?

Jab galti ho jaaye, sikha dijiye

Par aap chubhaate ho taane ki sui.

Sabka khayal main rakhti jau

Mere liye mujhe waqt hi nahi.

Khana, bartan, kapde, bacche

Inhi mein zindagi simatke reh gayi.

Kyu na hasu dil khol ke main

Isse aapki izzat kyu kam hui?

Kyu na poore karu apne khwaab

Kya usme aapki bhi barkat nahi?

Nahi chahiye dhan daulat

Na maange shaano shaukat.

Har ladki ki maang hai bas

Aapki nazron mein uski izzat.

Beti paraya dhan, bahu paraye ghar ki

Uska apna ghar, aakhir kya hai kahi? 

Jeene dijiye apni sharton pe mujhe

Bana lungi apna aashiyan khud hi kabhi.

Sapna..