Yaad...

Dhoop mein yuhi bethe hue

Jaise dekh li maine ek parchayi

Ye akelapan, ye tanhayi

Jaane kiski yaad hai layi

Saavan ki barkha apne sang

Masti ki phuhaar layi

Baarish ki boondon ne bhi

Meri tishnagi na bujhayi 

Zaalim sard hava se bhi

Har saas ne thandak payi

Un haathon ki garmahat ki kami

Wo bhi poori na kar payi

Jhaank kar dil ke kone mein

Ye jaana ki unki yaad hai aayi

Waqt toh guzar gaya lekin

Umr jaise tham si gayi

Zindagi ke judte panno ke bavajood

Gehri hui yaadon ki syaahi

Ubhar aayi har ghum se main

Bas unhe kabhi bhula na payi

Sapna...

Zindagi...

Ho har dum ek nayi umang

Har pal mein ek nayi khushi.

Isme gham ka kya kaam

Pyari si hai zindagi

Ghum ke baadal chaye kai,

Rakh uparwale pe yakeen

Hoga na kabhi nakaam,

Yeh hai zindagi

Na mushkilo se dare kabhi,

Aandhi se bhi jhuke nahi

Ho jo bhi anjaam,

Jeele yeh zindagi

Kar mehnat apne liye,

Bebas kabhi ho na kahi

Le kyu hum kisika ehsaan,

Do pal ki ye zindagi.

Chahe dukh ka dariya,

Ya ho wo achi bhali

Hai kudrat ka vardaan,

Teri yeh zindagi...

Sapna...

Kya Kahu..??

Har koi hai bana paraya 

Kisi apne se kya kahu?

Chunte jinhe hum apne neta

Wo puche abey kaun hai tu?

Jispar kare aankhe moon bharosa

Wo hi loote beti bahu.

Kahi maa ke haath shav bete ka,

Kahi bache khote maa bapu.

Sab kahe dosh hai auro ka,

Saza akela main kyu sahu?

Apno ne apno ko kaata,

Kab tak haivaaniyat dekhu?

Har nazar mein dikhta badla

Behta har sadak pe lahu.

Lut rahi pal pal mein duniya,

Na jaane kyu maun main hu?

Har ek ban chuka hai paraya,

Kisi apne se ab kya kahu??

Sapna...

Udaan...

 Kya hoga bethe bethe?

Safar pe apne chal de.

Ab na koi baandhe tujhe,

Armaano mein udaan bhar de.

Raah mein jo thokar lage,

Uth ja tu saahas badha ke.

Paunga har keemat pe tujhe,

Manzil se apni keh de.

Humsafar jo tujhe mile,

Unhe tu dost bana le.

Apni aur unke bhool se,

Sabak tu har kadam le.

Kisika dard baant le,

Kisiko khushi tu de.

Har udaas chehra pe,

Apni muskaan rakh de.

Manzil teri bulaye tujhe,

Par safar ka poora lutf le.

Ab na koi baandhe tujhe,

Armaano mein udaan bhar de!!

Sapna...

Azaadi ka Jashn..

Azaadi ka jashn kuch is tarah manao,

Azaad hume jo kar gaye, unhe adarsh banao.

Ho udaane oonchi aasmaano mein,

Sanskaar ko apna farsh banao.

Apne dukho se ubhar kar ab,

Auro ki khushi ko apna harsh banao.

Toofaan ke aage jhuke nahi,

Har chunauti ko ek sangharsh banao.

Azaadi ka jashn kuch yu manao,

Har haar ko apni Jeet banao!!

Be Independant...

Celebrate Independance!!

Sapna...

Ishq...

 Aksar logo ko kehte suna,

Ishq khuda hai!!

Kisiki har dua main shaamil,

Kisike liye sajda hai.

Kabhi khushi ka aalam kahi,

Kabhi gum bhi unpe hasa hai.

Kisike liye zindagi se badhkar,

Toh kisiki sabse badi saza hai!

Ishq ne parkha har kadam pe,

Jaane dilwalo ka kya gunah hai.

Koi na jaane anjaam iska,

Jaane kya khuda ki raza hai.

Kyu kisiko dhoka mila?

Kyu Aashiq hote juda hai?

Kisiko chod dia beech raah,

Kya aisa hota khuda hai??

Sapna...

Dil ke ek kone mein....

Dil ke ek kone mein, 

taale mein band rakha hai.

Apne andar dabaaye hue, 

humne bhi kuch gum rakha hai.

Neend na aayi kuch raaton ko, 

bas palkon ko band rakha hai.

Num aankhon se chalak na jaaye, 

aansuon ko sard rakha hai.

Dil ne jurrat ki tadpane ki, 

uski nabs ko band rakha hai.

Dil ki khushiyon ke aage, 

humne apna farz rakha hai.

Mehekti vaadiyon mein jeena hai, 

veeraniyon koband rakha hai.

Bheed mein kahi gum hona hi hai, 

tanhaiyon ko marz rakha hai.

Beeti humaari umr ko, 

yaadon mein band rakha hai.

Apne andar dabaaye hue, 

humne bhi kuch gum rakha hai!

Sapna...

Ek Khwaab...

Har khwaab par unka naam hai,

Unke naam se humari muskaan hai,

Yeh muskaan unpar kurbaan hai,

Ab har baat mein unki baat hai.

Har adaa ek andaaz hai,

Har andaaz ka jaise raaz hai,

Har raaz mein kuch khaas hai,

Unki tareef ke kam alfaaz hai.

Socha khoobsurat har raah hai,

Har raah magar ab gumraah hai,

Ishq gar zindagi ka aagaaz hai,

Toh kyu is aagaaz ka yeh anjaam hai...

Ki har saas mein ek aah hai

Har aah mein ek fariyaad hai,

Fariyaad mein bas unka saath hai,

Unka saath ab Bas Ek Khwaab hai.....!!

Sapna...

Emaan..

Har kathin ghadi mein

Mazboot ho insaan.

Dagmagaaye na mushkil mein

Aisa ho Emaan.

Chahe khushiyon ki baarish ho,

Ya ho jeevan veeraan.

Har aah mein dua hi ho,

Aisa ho Emaan.

Saath humare doot chale,

Ya ho koi haivaan.

Dil se sabki bhalayi chahe,

Aisa ho Emaan.

Chahe zindagi lambi ho,

Ya ho maut ka farmaan.

Haskar sab sweekaar kare,

Aisa ho Emaan!!

Sapna...

Muskuralo..

Char pal hai zindagi jeene ko,

Kuch yaadein hai banane ko.

Mile jab mauka, pyar baanto,

Mile gum, phir bhi muskuralo.

Chod gaye ho raaho mein jo,

Unke bina hi aage badho.

Bhulao purane zakhmo ko,

Na bhulao meethi yaadon ko.

Yaad rakho apni manzil ko,

Phir chuno unhi raahon ko,

Agar kisi mod pe bhatko,

Toh apni galti sudhaar lo.

Char pal hai zindagi jeene ko,

Na in palon ko yuhi gava do.

De agar ansu tumhe koi to,

Use hasakar bas....

                         MUSKURA LO !!

Sapna...

Kabhi..

Aapki aawaaz sune arsa hua,

Chupke se meethe bol sunao kabhi.

Aapko dekhe zamaane beet gaye,

Dil ki pukaar sunkar aa jaao kabhi.

Humare liye aap gair nahi,

Aap bhul me hi apna banalo kabhi.

Humare aansu behkar sookh gaye,

Aap yaad me do ashq bahao kabhi.

Humari khushiyon me aap shaamil hai,

Hume apna ghum hi batado kabhi.

Tadapte hue guzar rahi hai zindagi,

Zara sa kam hume sataao kabhi.

                                                                                                                                                                                         Sapna....