Daud bhaag wali zindagi se
Chalo kuch lamhe churaate hai
Aao yaaron hum milke
Phir se chichore ban jaate hai
Apne ghum ko sabse chupaake
Khushiya hum bikhere jaate hai
Par jab college ke saamne se guzre
Humare lamhe phir jee jaate hai
Tum sabki baatein, masti thahaake
Soch ke hum muskuraate hai
Jaane aise saal suhaane
Itni jaldi kaise guzar jaate hai?
Parivar, pati, patni aur bacche
Sabke saath waqt bitaate hai
Rehte humesha jo dost dil mein
Unhe kyu nahi mil paate hai?
Jeete the hum bhi beparwah se
Woh mizaaj phir dohraate hai
Zimmedariyon se chutti leke
Chalo phir se chichore ban jaate hai...
Sapna...
No comments:
Post a Comment