Pehli nazar

Pehli nazar mein 

Tumse pyar na hua

Tu dost se badhke 

Mera yaar sa hua

Main peeti coffee

Tu chai ka pyala

Ek doosre ki pasand pe 

Kabhi vaar na hua

Main rehti ghar se bahar

Tu kuye ke mendak sa

Banaye kai dost naye 

Lekin tu gair na hua

Main toota dil liye bethi
Tu meri bakbak sunta
Rone diya jee bhar ke
Tab se parivaar sa hua

Mere raaz tujhse kehti
Tu mera dard samajhta
Dil khol ke hansaata mujhe
Patjhad ki bahaar sa hua

Main dagmag dagmag karti

Tu sambhal ke hai chala

Mujhe girne se bachaye

Tu meri deewar sa hua

Main khud pe shaq karti
Tu hi bharosa karta raha
Bade pyaar se mujhe nihaare
Nazron se ikraar sa hua

Hum tum jo milte nahi
Lagta kuch adhoora sa
Laaya tu hi acche din mere
Tu nayi sarkaar sa hua

Teri hi chaah mein ab jeeti
Khushfehmi ka zariya mila
Mann ko ek sukoon se bhare
Hafte mein itvaar sa hua

Sapna...