Kabhi jaldi bhi utho toh zara
Sooraj ke naam karo apni subah
Khuli hawaaon ko mehsoos karke dekho
Jinhe mehsoos karne ko waqt na mila
Wo baksa rakha hoga almari mein
Jisme honge tumhare tohfe chupe
Un yaadon se mulaqaat karke dekho
Jinse milne ko waqt na mila
Paas Mein kahi hongi wo tasveerein
Lamhe jinme honge khushiyon bhare
Dobara un palon ko zara jeeke dekho
Jinhe jee ne ko waqt na mila
Khilono ka jab se saath hai choota
Bachpane se jaise naata toota
Aaj Bachpan ke khel khelke dekho
Jinhe khelne ko waqt na mila
Tv, phone, Internet se aise jude
Kitaabon se faasle badh gaye
Us kitaab ko aaj uthake dekho
Jise padhne ko waqt na mila
Dil ki chaah kaboo mein kaha
Yeh har cheez aazmaana chahe
Aaj Wo shauk poore karke dekho
Jinhe shuru karne ka waqt na mila
Sapna..
No comments:
Post a Comment